سبب رئيسي لفراق الأصدقاء

سبب فراق الأصدقاء : أنه شخص يعتقد أن صديقة حاليا مشغول عنه بشيء معين ولا يبي يتصل عليه يشغله وصديقه الثاني يعتقد برضو إنه نفس الشيء مشغول ولا يبي يتصل عليه يشغله . يمر الوقت ويقول معقوله فلان ما اتصل إلى الحين يعني ما إنتهى شغله إلى الحين أكيد إنه يتهرب مني أو مايبيني و نفس الكلام ينطبق على الطرف الثاني . بعد فتره يقول لا أكيد إنه مايبيني لو يبيني كان إتصل بي لكن ماراح اتصل أنا إما يتصل هو أو بسلامته و الشخص الثاني برضو عنده نفس الكلام . بالأخير وبعد شهور يتلاقون بالشارع ماحد يسلم على الثاني وكأنه شخص عرفه بمقهى أو شافه مره من المرات بمطعم ولا كأن بينهم عشرة عمر .. يا أخي بادر سلم وشف عن صديقك وإذا كان فعلا فيه شخص مايبيك راح يبين عليه . وقال صلى الله عليه وسلم ( وخيرهما الذي يبدأ بالسلام )