توقفت عن الكتابه هنا وانتقلت الى وردبريس
abdulmogeeb.wordpress.com

الخميس، 5 مايو 2011

بناتنا بناتنا بناتنا!!



قسم بالله ياشيخ مانبيه بس كيف نغيره ؟ الي يبي يصدق يصدق والي مب مصدق لا يصدق لو فيه شخص عنده ضمير بس او على الاقل حس ديني لو بنسبة بسيطة وفكر بالتحول الي صار قسم برب البيت توصل دموعة لرقبته وهو ماحس . اليوم انا بنفسي كنت بالرياض بكلية الطلب بجامعة الملك خالد شفت الي يتكلم عنه الشيخ و اكثر و اكثر و اكثر و اكثر .. بنت تمشي بالممرات وبين الشباب بدون حجاب رسمي ؟ كاشفه عن وجهها وعادي جدا وموب بنت وحده كثير كثير لا يجي احد يقول لي انه يجوز الحجاب الي يكشف عن الوجه بس حنا بالسعودية الحجاب عندنا كااااااااااامل تغطية الوجه والجسم كاااااااااامل لا احد يقول لي نقاب.. النقاب نعرفه شي يسمح للنظر فقط وهالي يحطونه هذا مب نقاب عيون هذا فتحات تهوية . لا احد يقول وش دخلك الي يبي يقول وش دخلك ابجي لبيتهم واطلع اخته واحلته وسط الشباب هناك يمكن يحس واذا ماحس ابقول له ياديوث اطلع من ديرتنا مانبي اشكالك > واضح اني منفعل بس بعذري . شباب يعني الى متى الواحد يشوف ويسكت اهم شي عندنا بناتنا والله اذا خربت البنت وفتح لها مجال تفسد ان يطلع مجتمعنا السعودي من اردى و ارذل و افشل المجتمعات الا من رحم ربي .  من حيننا ضايعين تبون تضيعون امهاتنا الي تربينها وخواتنا الي تساعدنا بعد وش نصير ؟ لا احد يتحجج لي بالعلم و التعليم وانه لازم يختلطون بكلية الطب ياحبيبي حنا مب اغبياء ليش مايكون فيه مدخل خاص بالطالبات فقط ؟ ليش مدخل الطالبات مسموح للشباب يدخلون من عنده عادي ؟ ليش البنت تدخل و تطلع و تسرح وتمرح بالممرات على كيفها ؟ والله العظيم ودي يعينون فريق من هيئة الامر بالمعروف و النهي عن المنكر خاص بالكليات بعد وياويلك يالي تطلع عن الجاده امسكوه واغسلو شراعه وعلقوه بدوار الجامعه يومين عشان يتوبون اشكاله . ارجع واقول كل الي انا قلته بناتنا خايفين عليهن لانك وشو يالرجل بدون المرأة ؟ اذا فسدت المرأة عندنا راح يفسد كل شيء .............

هناك تعليقان (2):

  1. الكم الهائل من التخلف في هذه التدوينة كبير بشكل مقرف ..
    "وفتح لها مجال تفسد ان يطلع مجتمعنا السعودي من اردى و ارذل و افشل المجتمعات" .. صدقني انتم الحين من افشل المجتمعات .. لو ارتقينا و خلينا عنا التفكير الغبي هذا و ما همنا الا الحريم وش يلبسن و وش ما يلبسن كان الحين ما فيه احسن منا .. مو اكبر همنا تسوق البنت ولا لا ؟ تمشي من رياجيل و لا لا ؟ .. احس بالقرف اذا سمعت كلام مثل كلامك ..

    ردحذف
    الردود
    1. اذا كنت تعتقد ان هالموضوع ماراح يؤثر على المجتمع وان التخلف في الحفاظ على شرف وعوراة بناتنا فاسمح لي ان اقول لك غلطان . وش علاقه التفصيخ بالتطوير ؟ حنا عندنا دين يقول لا ومايجوز ونمشي على ديننا لان الي خلقنا يعرف مصلحتنا من هالشي

      حذف